Ат-Башы районунда мыйзамсыз аңчылык фактысы аныкталды. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалыматка таянсак, аталган ведомствонун Нарын регионалдык башкармалыгынын инспекторлору тарабынан ыкчам рейддик иш-чара өткөрүлгөн. Анын жүрүшүндө Босого жайлоосунда Ат-Башы айылынын тургуну тарабынан 2 тоо кийигинин эттери мыйзамсыз олжологон фактысы аныкталды.
Жыйынтыгында жаран Ат-Башы райондук ички иштер бөлүмүнүн тергөө бөлүмүнө өткөрүлүп берилди. Учурда окуя боюнча тиешелүү тергөө амалдары жүргүзүлүп, мыйзам чегинде баа берүү иштери улантылууда.
