МБКнын кызматкерлери УКМК ККК менен бирге 4056 даана контрабандалык товар – телевизорлорду табышты. Бул тууралуу Мамлекеттик бажы кызматынын расмий сайтына жарыяланды.
Евразия экономикалык бирлигинин бажы аймагына товарларды жана транспорт каражаттарын мыйзамсыз ташып кирүү/чыгуу фактыларын табууга жана бөгөт коюуга багытталган иш-чаралардын жүрүшүндө, “Түндүк” ТЖБнын кызматкерлери КР УКМК ККК кызматкерлери менен бирге “Кыргыз темир жолу” УК” МИнин “Аламедин” темир жол станциясынын аймагында КЭРден “РТ” ЖЧКнын дарегине келген товарларга карата бажы контролун жүргүзүүдө 4056 даана бажылык жактан декларацияланбаган телевизорлор табылган.
Жүргүзүлгөн иш чаралардын натыйжасында, тиешелүү бажы төлөмдөрүнүн алдын ала суммасы 15 миллион сомду түзөт.
Бул факт Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.
