Бүгүн Салык кызматкерлеринин күнүнө карата салтанаттуу иш-чара өттү. Бул тууралуу Мамлекеттик салык кызматы билдирди.
Маалым болгондой, салтанаттын алкагында өлкөнүн социалдык-экономикалык өнүгүшүнө салым кошкон ак ниет жана мыкты салык төлөөчүлөр сыйланды.
Алардын катарында «Авангард Стиль» курулуш компаниясы, «Сапат» эл аралык билим берүү мекемеси, «Синематика», «Голден Магнат», «Али Мед КейЖи» сыяктуу ири ишканалар жана жеке ишкерлер бар.
Мындан тышкары, салык тармагындагы кызматташууну чыңдоого кошкон салымы үчүн «Яндекс Кыргызстан» компаниясынын башкы директору Тилек Сулайманов Салык кызматынын медалы менен, ал эми компаниянын GR-директору Азамат Буржуев Ардак грамота менен сыйланды.
Иш-чара Салык кызматынын алдыңкы кызматкерлерине ведомстволук сыйлыктарды тапшыруу менен жыйынтыкталды.
