Автоээнбаштык жараткан айдоочунун унаасы айып короосууна киргизилди. Бул тууралуу МККБнын басма сөз кызматы билдирет.
Маалыматка ылайык, социалдык тармактарда Lexus GX470 үлгүсүндөгү унаанын Ч. Айтматов проспектиси менен жүрүп баратып, арткы терезеден жарым денеси менен чыгып алып башка унааны видеого тартып жаткан жүргүнчү тартылган видео материал тараган.
“Мындай аракеттер жол коопсуздугуна олуттуу коркунуч жаратат жана жол кыймылынын эрежелеринин одоно бузулушу болуп саналат. Бул факт боюнча МККБ кызматкерлери окуянын катышуучуларын дароо аныктады. Айдоочунун үстүнөн автоээнбаштык боюнча укук бузуулар жөнүндө протокол түзүлдү”, — делет маалыматта.
