Бишкекте 43 миң доллар алдап алган “көзү ачык” кармалды. Бул тууралуу Биринчи Май милициясы билдирет.
Маалыматка ылайык, шектүү жабырлануучунун “жолун ачып берүүнү” убадалаган. Ар кандай ырым-жырымдарды жасап, аялдан акчаны көрүстөндөргө калтырууну талап кылып, жип, ийне, карта, шам сыяктуу буюмдарды колдонгон.
Бишкек тургуну акчаны быйыл май айынан октябрь айына чейин бөлүп-бөлүп берип турган. Шектүүнүн айтымында, акчалар көрүстөндө бир нече жолу көмүлгөн.
“Алдамчылык” боюнча кылмыш иши козголуп, милиция шектүүдөн жабыркагандар болсо укук коргоо органдарына кайрылууну суранды.
