Автоунааны айдап качкан жаран кармалды. Бул тууралуу Баткен ОИИБнын Басма сөз кызматы билдирди.
Маалыматка ылайык, Кызыл-Кыя шаарынын 28 жаштагы М.Н.аттуу тургуну 2021-жылдын 12-июнь күнү болжол менен саат 20.00 чамасында “Деу Матис” үлгүсүндөгү автоунаасын Кызыл-Кыя шаарындагы “Эки Дос” аталышындагы ашкананын жанына токтотуп койгон жеринен белгисиз атуул айдап качып кеткендигин билдирип арыз менен кайрылган.
Бул арыз Кызыл-Кыя ШИИБнин КЖБРне Кыргыз Республикасынын Жазык кодексинин 206-беренеси (Автотранспорт каражаттарын айдай качуу) менен катталып, сотко чейинки өндүрүш иши башталган.
Ошол эле түнү Кызыл-Кыя ШИИБнин милициясы тарабынан Кадамжай районунун Уч-Коргон айылынын тургуну 39жаштагы Н.Х. аттуу жаранын аныктап кармап келишкен.
Белгилей кетсек, уурдалган унаа өз ээсине кайтарылып берилип, учурда тергөө иштери жүрүп жатат.