Бишкекте аялды чогуу жашаган эркек катуу сабап, колуна үтүк басып, андан соң зордуктаган делген мектептердин биринин директоруна козголгон кылмыш иш токтотулду. Бул тууралуу Октябрь РИИБден билдиришти.
Билдирүүгө караганда, тараптар элдешишкен. Буга байланыштуу шектүү сот залынан бошотулган.
Эскерте кетсек, Акыйкатчы институтуна 34 жаштагы аял кайрылган. Анда, 14-сентябрда аны жарандык жолдошу катуу сабап, колуна үтүк басып, андан соң зордуктаган. Аялдын айтымында, окуя болуп жатканда кичинекей кызы башка бөлмөдө болгон. Аял ич кийимчен, жылаңайлак араң качып чыгып, күзөтчү отурган жерге жашынып калган. Кошуналары ага жардам берип, андан соң милицияга кайрылган.
