Жалал-Абад облусунун Ноокен районунда аз камсыз болгон 120 үй-бүлөгө ун, май, макарон сыяктуу керектүү азык-түлүктөр салынган Рамазан баштыкчалары таратылды. Бул тууралуу муфтияттан билдиришти.
Жалпысынан 360 миң сомдук баштыкча таратылган кайрымдуулук иш-чарасын Момбеков айыл өкмөтүнүн жооптуу имамынын орун басары Русланбек Мамасадыков уюштурса, жеке ишкер Кенжебаевдердин үй-бүлөсү демөөрчүлүк кылган.
Иш-чарада райондун баш имам-хатиби Тынчтыкбек ажы Шаиков бул айда кайрымдуулук кылуу жана убадаланган сооптор боюнча “Рамазан айында жасалган бир жакшы иштин сообу ондон жети жүз эсеге чейин көбөйтүлүп берилет. Ушул улуу айда бири-бирибизге жардам берели. Анткени берген кол алган колдон жакшыраак”- деди ал.
