Кыргызстан менен Мьянманын футбол боюнча курама командаларынын беттеши эртең Бишкек шаарында болот. Бул Азия Кубогу-2023 тандоо этабындагы “F” тайпасындагы Кыргызстан курама командасынын экинчи оюну.
Оюн калаадагы Дөлөн Өмүрзаков атындагы стадиондо саат 20:00дө башталат.
Биринчи оюнда «ак шумкарлар» Сингапур курама командасы менен беттешип, 2:1 эсебинде жеңишке жеткен.
Азия кубогунун тандоо оюндары жалпысынан алты тайпада өтүп жатат. Тайпада лидер болгон алты команда жана экинчи орунду алган беш мыкты команда 2023-жылы Кытайда өтө турган Азия кубогуна жолдомо алат.
