Кытайда өтүп жаткан жайкы Азия оюндарынан Кыргызстан дагы эки медаль утту.
Дене тарбия жана спорт департаментинен билдиришкендей, карате-до боюнча улуттук курама командасынын мүчөсү Адилет Шадыканов Ханчжоу шаарында өтүп жаткан Азия оюндарында күмүш медаль тагынды.
Аталган мелдеште кыргыз спортчусу 84 кг жогоркулар арасында беттешип, алгач непалдык спортчуну 5:1 эсебинде жеңген. Ал эми жарым финалда сауд аравиялык атаандашын утуп, финалга чыккан.
Чечүүчү беттеште Олимпиада чемпиону ирандык Саджад Ганжзадеге 4:2 эсебинде жеңилип, 2-орунду ээледи.
Ал эми, кыздар арасында Кымбат Тойтонова да каратэ боюнча таймашта коло медаль тагынды. Коло байге үчүн беттеште камбоджалык атаандашын жеңип чыкты.
