Кыргызстанга карантин киргизүү планы азырынча жок. Бул тууралуу Саламаттыкты сактоо жана социалдык өнүгүү министри Алымкадыр Бейшеналиев маалымат жыйынында билдирди.
Ал бул суроону журналисттер көп берерин белгилеп кетти.
«Биз Президент, өкмөт болуп азырынча карантин киргизбейбиз деген чечим кабыл алдык», — дейт ал.
Чиновник коронавирустук инфекциянын жайылышын алдын алуу үчүн санитардык-эпидемиологиялык эрежелерди сактоо зарылдыгын эскертти: маска кийүү, аралыкты сактоо жана антисептиктерди колдонуу.
