Бүгүн, 20-апрелде, Монголиядагы күрөш боюнча Азия чемпионатында кыргызстандык беш балбан күрөшөт. Бул тууралуу Бириккен күрөш дүйнөсүнүн сайтында жарыяланды.
Маалыматка ылайык, Азия чемпионаты Улан-Батор шаарында өтүүдө. 60 кг Жоламан Шаршенбеков, 67 кг Элдияр Сатаров, 72 кг Адилхан Нурланбеков, 82 кг Калидин Асыкеев, 97 кг Үзүр Жузупбеков килем үстүнө чыгат.
Белгилей кетсек, Азия чемпионатында Акжол Махмудов менен Тынар Шаршенбеков алтын медаль утса, Роман Ким коло медалды багындырды.