Норвегиянын Осло шаарында өтүп жаткан күрөш боюнча Дүйнө чемпионатында кыргызстандык Эрназар Акматалиев финалга чыкты.
Маалыматка ылайык, кечээ 4-октябрда эркин күрөштөн 70 килограмм салмакта килемге чыккан Акматалиев жарым финалда орусиялык Евгений Жербаевди 9:5 эсебинде жеңип алды. Бул тууралуу биргелешкен күрөш дүйнөсү уюмунун расмий сайтында кабарланат.
Жарым финалдык беттешке чейин Акматалиев төрт беттеш өткөргөн. Алгач шри-ланкалык балбан Анил Нирошан Мунасинье Каруна Пели Гедераны 10:0 эсебинде уткан. 1/8 финалда армениялык Арман Андреасянды 11:2 эсебинде жеңген. Чейрек финалда ирандык Ерфан Мохаммад Елахини 8:8 эсебинде жеңип, жарым финалга жолдомо алган.
Бүгүн, 5-октябрда финалда польшалык Магомедмурад Гаджиев менен алтын байге үчүн таймашат чыгат. Финалдык беттеш Бишкек убактысы боюнча саат 22:00дө башталат.
Эрназар Акматалиев 23 жашта. Быйыл Токиодо өткөн Жайкы Олимп оюндарына катышкан. Жаштар арасындагы Азия чемпионатынын күмүш байгесинин ээси (2018-ж.).
View this post on Instagram
