Кыргызстан менен Тажикстандын чутбол боюнча курама командаларынын оюну тең чыгуу менен жыйынтактылды. «Ак шумкарлар» топко ээлик кылып, кооптуу чабуулдарга байма-бай чыкканы менен эсеп ачылган жок.
Азия кубогунун тандап алуу оюндары алты өлкөдө, анын ичинде Кыргызстанда өттү. F тайпасында Кыргызстан, Тажикстан, Мьянма жана Сингапурдун командалары жайгашкан. Бул тайпадагы оюндардын баары Бишкекте болду.
Бардык оюндардын жыйынтыгында Кыргызстан менен Тажикстандын курамасы жети упай топтоду.
Азия кубогу үчүн 24 курама команда күч сынашат. Буга чейин алардын 13ү аныкталса, калган 11и тандоо турунан өтүүдө.
2023-жылкы Азия кубогу кийинки жылы 16-июндан 16-июлга чейин Кытайда өтмөк, бирок ал өлкө коронавируска байланыштуу мелдешти өткөрүүдөн баш тарткан. Азырынча кайсы жерде өтөөрү белгисиз.
