Бүгүн, 9-октябрда «Бүтүн Кыргызстан» партиясынын да курултайы болуп өткөн.
Партия парламенттик шайлоого баштап бара турган алдыңки 5 орундун ээлерин аныктап, тизмесин бекиткен. Ага ылайык, сап башында партия лидери Адахан Мадумаров турат. Экинчиде көптөн бери шайлоого бирге катышып жүргөн «Кыргызстан коммунисттер» партиясынын лидери Исхак Масалиев, андан кийин Жогорку Кеңештин депутаттары Эмил Токтошев, Аккулу Бердиев жана Жалал-Абад облусундагы өкмөттүн мурдагы ыйгарым укуктуу өкүлү Кыянбек Сатыбалдиев турат. 6-тизмеде чуулгандуу активист Орозайым Нарматова.
Шайлоо мыйзамдарына ылайык, партиялар 14-октябрга чейин курултай өткөрүп, талапкерлердин тизмесин тактап бүтүшү керек.