Баалуу металлдарды мыйзамсыз алып чыгуу аракетине бөгөт коюлду. Бул тууралуу УКМКнын басма сөз кызматы билдирди.
Маалыматка ылайык, 14-апрелде «Манас» Эл аралык аэроптортунда Ош-Бишкек багыты боюнча учууга аракет кылып, бажы көзөмөлүнөн өтүү учурунда М.Л.К., М.Т.Т., Н.Н.К. жана М.Н.К. аттуу Өзбекстандын жарандарынан сары металлдан кол өнөрчүлүк менен жасалган буюмдар табылган. Болжол менен алтындан жасалган бул кол чынжырчалардын салмагы 1925,22 граммды түзөт.
Белгилей кетсек, аталган жарандар Өзбекстандан Кыргызстандын аймагына «Достук» өткөрүү пункту аркылуу мамлекеттик чек араны кесип өтүп, алтын буюмдарын мыйзамсыз алып өтүшкөн.
Азыркы учурда шектүүлөр кармалып, УКМК тергөө камак жайынын убактылуу кармоочу жайына киргизилди.
Учурда сотко чейинки тергөө иш-чаралары жүргүзүлүүдө.
