Талас облусунун Бакай-Ата районундагы Миң-Булак айылында кечээ, 19-мартта токойдо чыккан өрт саат 22:52де толук өчүрүлдү. Бул тууралуу ӨКМден билдиришти.
Болжол менен 5-6 гектар аянт күйгөн. Жабыркагандар жок, өрттүн себеби такталууда.
Белгилей кетсек, тилсиз жоону өчүрүүгө ӨКМдин Талас облусу боюнча башкармалыгынан ыкчам топ, 2 күжүрмөн эсеп ыкчам чараларын көрүштү.
Ошондой эле Бакай-Ата айыл аймагынан 3 кызматкер, 1 экскаватор, КР ИИМден 5 милиция жана жергиликтүү тургундардан 8 адам тартылган.
Посмотреть эту публикацию в Instagram
