Саясат таануучу Бакыт Бакетаев: Акыркы күндөрү бир нече олуттуу эл аралык окуя болду – президент Садыр Жапаров Борбор Азиялык башка жумурияттардын жетекчилери менен бирге Астана шаарында 17-сентябрда Германиянын канцлери Олаф Шольц менен жолукту, ал эми жекшемби, 22-сентябрда, Нью-Йоркто өтүп жаткан Бириккен улуттардын Жалпы ассамблеясынын 79-сессиясынын алкагында өткөн «Келечек саммитине» катышып, анда сөз сүйлөдү.
Ушул сыяктуу ар башка деңгээлдеги эл аралык жолугушууларда президент Жапаров такай «жашыл экономика» менен байланышкан маселелерди көтөрөт, анткени дүйнөлүк экологияга тийген зыянга Кыргызстандын салымы дээрлик жокко эсе. Экологияны эң өнүккөн мамлекеттердин аракеттери бузган, ошондуктан Кыргызстанда «жашыл экономиканы» өнүктүрүү үчүн насыяларды жеңилдетилген тартипте берип, алдыңкы технологиялар менен бөлүшүү сыяктуу аракет кылууга ошол өнүккөн өлкөлөр милдеттүү десе да болот…
https://youtu.be/Xm9zaUFAc6M
