Кыргызстанда биринчи жолу Балыкчы шаарынын эксперименталдуу заманбап саркынды сууларды чыгаруучу курулма 95%га бүткөрүлдү.

Балыкчы шаарында канализациялык тазалоочу курулмалардын (КТК) курулуш иштери аяктады. Бир күндө кубаттуулугу 4200 м3/ болгон жаңы объект бардык керектүү сыноолордон өтүп, эксплуатациялоону баштоого даяр.

Ысык-Көл облусунун экологиялык абалын жакшыртууга багытталган долбоор 2021-жылдын 28-майында эл аралык алдыңкы компаниялардын консорциуму менен КТК долбоорлоо, жеткирүү жана орнотуу келишимине кол коюлуп башталган.

Белгилей кетсек, бүгүнкү күндө курулуш иштери, ошондой эле жабдууларды жеткирүү жана монтаждоо иштери белгиленген мөөнөттө аяктады. Бардык системалардын эрежелерге жана шарттарга жооп бергендигин тастыктаган, ишке киргизүү сыноолору ийгиликтүү өткөрүлдү.

Жаңы объект саркынды сууларды тазалоонун алдыңкы а2о технологиясын колдонот, бул фосфорду биологиялык тазалоого басым жасоо менен аэробдук тазалоо процессинин өзгөртүлгөн версиясы. Бул технология анаэробдук зонаны, андан кийин денитрификация үчүн аэробдук жана аноксиддик зоналарды камтыйт, бул тазалоочу курулмаларды натыйжалуу жана экологиялык жактан таза кылат.

Балыкчыда канализациялык тазалоочу курулмаларды куруу — бул эксперименттик долбоор, анын алкагында ведомстволор аралык жумушчу топ түзүлгөн, ал долбоордун ишке ашырылышына мониторинг жүргүзүү менен алектенет, анын ичинде Суу ресурстары, айыл чарба жана кайра иштетүүчү өнөр жай министрлигинин Суу ресурстары кызматына караштуу «Ичүүчү суу менен камсыздоону жана саркынды сууларды чыгарууну өнүктүрүү»мамлекеттик ишканасынын катышуусу менен иш алып барууда.

Балыкчы шаарынын КТКсын ишке киргизүү региондун экологиялык туруктуулугун камсыз кылуу жана анын жашоочуларынын жашоо сапатын жакшыртуу жолундагы маанилүү кадам болуп эсептелет.