Балыкчы шаарынын окуучуларына кичи автобустар сатылып алынды. Бул тууралуу Ысык-Көл өнүктүрүү фондунан кабарлашты.
Фонддун каржылоосу менен 4 млн 950 миң сомго 4 кичи автобус алынды. Эми унаалар окуучулардын мектепке коопсуз жана ынгайлуу жетип алышына шарт түзөт.
Фонд билим берүү тармагына өзгөчө көнүл бөлүп, облус боюнча мектеп, бала бакчалардын курулуштарын каржылап келет. Ошондой эле билим берүү мекемелеринин имараттарын ондоп-түзөө иштерин жүргүзүп, тийиштүү жабдыктар менен камсыздоого көмөктөшөт.
