Тамчы айылынын аймагына Балыкчы шаарындагы полигондо машыгуу учурунда колдонулуп жаткан тактикалык мини-дрон кулады. Бул тууралуу УКМКдан билдирди.
Маалыматка ылайык, дрон Тамчыдагы аэропортко конуп бара жатканда белгиленген жерге жетпей кулап, күйүп кеткен. Аталган окуяда Чек ара кызматынын куралдануусундагы чалгындоо жүргүзгөн жана сокку урган учкучсуз учуучу аппараттардын бири да, анын ичинде Bayraktar кырсыктаган эмес. Алардын баары белгиленген тапшырманы аткарууга даяр турат.
Жабыркагандар жок. Сыноо жүргүзүп жаткан адистердин тобу окуянын себебин иликтемекчи.
Учурда Тамчы аэропортунун аймагы күйүп кеткен мини-дрондун калдыктары тазаланып жатат.
