Мамлекеттик мектептердеги башталгыч класс окуучуларынын ысык тамагына бөлүнгөн акча 2024-жылы 14 сомго көбөйтүлөт. Бул тууралуу финансы министринин орун басары Жибек Дүйшеева Жогорку Кеңештин Бюджет, экономика жана фискалдык саясат комитетинде билдирди.
Белгилей кетсек, министрлер кабинетинин төрагасы Акылбек Жапаров бала бакчалардагы балдардын тамак-ашын ата-энелер каржылайт деген маселеге токтолуп, бакчадагы балдарды өкмөт баксын деген талапка каршы экенин айткан.
“Бала бакчаларды куруп, жабдып берүү — өкмөттүн, ал эми тамагын камсыздоо ата-энелердин милдети” — деген Жапаров.
