Баткен облусунун Лейлек районунун Самаркандек, Актатыр жана Кулунду айылдарынын тургундары коопсуз жайга эвакуацияланды. Бул тууралуу ӨКМнин басма сөз кызматы билдирди.
Маалыматка ылайык, Өзгөчө кырдаалдар министрлигинин эвакуациялоого 10 техникадан ашуун, 150 ашуун кызматкер тартылган. Райондук жарандык коргонуунун автотранспорт кызматынан 60 спринтер тартылды.
Баткен облусунун Лейлек районунан 159 жаран Исфана шаарындагы жатак интернаттарга эвакуацияланган, ал эми 8647 жаран туугандарына үйлөрүнө жайгаштырылган.
Баткен облусунун Баткен районунан 900 жаран Баткен шаарындагы мейманканаларга жана мектептерге эвакуацияланган.
