Баткенде 1 жашар наристе сайдагы сууга түшүп кеткен. Бул тууралуу ӨКМден билдиришти.
Маалыматка ылайык, бүгүн, 9-август күнү Кадамжай районунун Полот-Хан айыл өкмөтүнүн Абсамат айылында А.Масалиев атындагы орто мептептин жанындагы сайдагы сууга 2022-ж.т. Б.Я. аттуу кичинекей кыз түшүп кеткендиги тууралуу маалымат 102 кызматынан түшкөн.
Издөө иштерин жүргүзүүгө Кадамжай райондук №76 Өрткө каршы куткаруу бөлүгүнөн 4 , КР ӨКМдин Тоо кырсыгынан куткаруу кызматынан 4, жалпы 8 куткаруучу тартылды.
Куткаруучулар тарабынан наристенин сөөгү табылып, тез жардам кызматына өткөрүп берилди.
