Баткен шаарында муниципалдык «Автобекет» курулууда. Бул тууралуу президенттин аймактагы өкүлчүлүгү билдирет.
Курулушка республикалык бюджеттен, Баткен облусун өнүктүрүүгө багытталган 500 млн сомдун эсебинен 42 млн сом бөлүнгөн. Бүгүнкү күндө автобекеттин административдик имаратынын курулушу 75% ишке ашырылып, курулуш иштери андан ары уланууда.
Быйылкы жылы бүткөрүлүп пайдаланууга берилүүсү пландалган. Автобекеттин айланасын көрктөндүрүү жана жарыктандыруу иштерине жергиликтүү бюджеттен кошумча 2 млн сом каралган.
Мындан сырткары, 2024-жылга карата шаардын Чет-Булак аймагында жайгашкан өнөр жай зонасынын инфраструктурасын жакшыртуу боюнча 2 долбоор сунушталып, жактырылган.
