Баткен шаарында саркынды суу тутумун куруу иштери уланууда. Бул тууралуу шаар мэриясы билдирди.
Маалыматка ылайык, Мамлекеттик ипотекалык компания тарабынан ишке ашырылып жаткан долбоордун алкагында М.Салихов, И.Раззаков жана Жибек-Жолу көчөлөрү аркылуу саркынды суу түтүктөрү тартылууда.
Ошондой эле саркынды сууларды тазалоочу курулманы 2027-жылга чейин пайдаланууга берүү пландалууда.
Долбоор толук ишке киргенден кийин Баткен шаарындагы 50 миңден ашык тургун борборлоштурулган канализация тутумуна кошулуу мүмкүнчүлүгүнө ээ болот.
