Баткен облусунун аймагында контрабандалык иш аракеттер аныкталып, ага бөгөт коюлду. Бул тууралуу УКМК билдирет.
Маалымат боюнча, жеке адамдар тобу Кыргызстандын жана Тажикстандын аймагындагы өткөрүү пункттарын жана бажы жол-жоболорун аткарбай айланып өтүп, эл керектөөчү товарларды ташууга аракет кылышкан.
Кылмышка шектүү катары Кыргызстандын 1994-, 1985- жана 1999-жылы туулган жарандары кармалып, 15 миллион сомдон ашык суммадагы унаалар жана материалдык байлыктар алынып, сотко чейинки өндүрүш иштери башталды.
Учурда тергөө амалдары жүрүп, мыйзамсыз схеманын бардык катышуучулары аныкталууда.
