Баткен облусунун соттук-медициналык экспертиза бюросунда кызмат адамдарынын кыянаттык менен пайдалануу фактысы аныкталды. Бул тууралуу УКМКдан билдиришти.
Маалыматка ылайык, Кызыл-Кыя шаарындагы химиялык лаборатория 2020-жылдан бери иштебей турган, бирок лаборатория кызматкер маал-маалы менен жумуш ордун кыдырып, өзүнүн кызматтык милдеттерин иш жүзүндө аткарбагандыгына карабастан айлык маяна алып жүргөн.
Тергөөгө чейинки аудиттик текшерүүнүн жыйынтыгы боюнча 1 миллион 254 миң 200 сомдук каржылык мыйзам бузуулар аныкталган.
Аталган факты боюнча кылмыш иши козголуп, ага карата зарыл болгон тергөө амалдары жүргүзүлүп, андан соң тиешелүү юридикалык баа берилмекчи.
