Каракол шаарында учкучсуз учуучу аппараттар жана инновациялык технологиялар боюнча эксперттердин аймактык кеңешмеси өттү. Бул тууралуу ИИМден билдиришти.

Иш-чарага, БУУ БКБнын Борбордук Азия боюнча аймактык өкүлү А.Миталл айым, БУУ БКБнын Кыргызстандагы программалык кеңсесинин жетекчиси А.Селезнев, Казакстандан, Өзбекстандан, Россиядан, Белоруссиядан келген делегациялар, улуттук мамлекеттик органдар жана Борбордук Азиядагы аймактык маалыматтык координациялык борборунун өкүлдөрү катышты.

Ал жерде, инновациялык жабдуулардын технологияларынын көргөзмөсү жана ИИМдин Кызмат техникалык жабдуулардын көргөзмө аземи болуп өттү.

Кызматтын башчысы Уланбек Султанов «Баңгизаттарды мыйзамсыз жүгүртүүгө каршы күрөшүүдө учкучсуз учуучу аппараттарды колдонуу тоолуу аймактарда жапайы кара куурайдын өсүшүнө ыкчам чара көрүү жана байкоо жүргүзүүгө жана тийиштүү чечимдерди кабыл алууга мүмкүндүк берет» — деп белгиледи.

Жолугушуунун алкагында Өзбекстандын Министрлер кабинетинин алдындагы баңгизаттарды контролдоо боюнча улуттук маалыматтык-аналитикалык борбордун директору Нарзуллаев Олим башында турган Өзбекстандын делегациясы менен эки тараптуу жолугушуу болуп өттү.