Баткен шаарында дүкөндөн кийим уурдоого шектелип 6 жаран кармалды. Бул тууралуу Баткен ОИИБден билдиришти.
Маалыматка ылайык, милицияга Баткен районунун Бужум айылынын 30 жаштагы тургуну арыз менен кайрылып, эркек кишилердин кийимин сатуучу дүкөнүнөн белгисиз жарандар жалпы суммасы 470600 сомдук болгон кийимдерин уурдап кеткендигин билдирген.
Бул арыз Кылмыш-жаза кодексинин 205-беренеси (Уурулук) менен катталып, иликтөө иштери башталган.
9-март күнү Баткен шаарынын 18 жаштагы беш тургуну жана 17 жаштагы бир тургуну кармалып, жанынан далилдүү буюм катары кийим-кечелер алынган.
Учурда шектүүлөр убактылуу кармоо жайына киргизилип, тергөө иштери уланууда.
