Баткендин чек арага чектешкен аймактарында милиция кызматкерлери эл менен жолугушууда. Бул тууралуу Баткен ОИИБдин басма сөз кызматы билдирди.
Маалыматка ылайык, Баткен районунун чек арага чектешкен аймактарында жашаган жергиликтүү тургундарга Көк-Таш айылдык милиция бөлүмчөсүнүн кызматкерлери коомдук тартипти сактоо, кылмыштуулуктун алдын алуу, өспүрүмдөрдүн коопсуздугун көзөмөлдөө, айрыкча чек ара аймактарында жашаган тургундардын мал-жандыктарын талаада кароосуз калтырбоо жагы эскертилди.
Эгерде коомго терс көрүнүштөр болсо, өз алдынча аракет кылбай, тез арада милицияга кабар берүүсү мыйзамдуу экендигин белгилешти.
Чек ара аймактарында Баткен ОИИОнун кызматкерлери коомдук тартипти көзөмөлдөө максатында күнү-түнү кайгуулдарды уюштурган.