Ош шаарында 40 төкмө акын катышкан сынактын жеңүүчүлөрү аныкталды. Бул тууралуу уюштуруучулардын бири Абдубали Акимбеков билдирди.
Маалыматка ылайык, сынак 23-сентябрда жыйынтыкталган. Айтышта баш байгени Баян Акматов жеңип алып, алтын жалатылган 300 миң сомдук комуз жана 80 миң сом акчалай сыйлыкка татыган. Мындан тышкары ага алтын менен сырдалган төш белги тапшырылган.
Белгилей кетсек, Республикалык деңгээлде өткөрүлгөн акындардын айтышы 2 күнгө созулуп, ага «Алтын комуздан» сырткары, байге фондуна президенттик фонддон 500 миң сом акча каражаты бөлүнгөн.
