Министрлер кабинетинин төрагасы Акылбек Жапаровдун абалы канааттандырарлык. Бул тууралуу Саламаттыкты сактоо министри Алымкадыр Бейшеналиев 7-каналга билдирди.
Министрдин айтымында, Жапаровдун оорусу көп ойлонгондон, стресстен болгон.
«Акылбек Жапаров бүгүн саат 7де кардиологияга түштү. Биз Жапаровду коронарография жана башка текшерүүлөрдөн өткөрдүк. Кан басымы дагы түшүп кетиптир. Учурда абалы канааттандырарлык. Анын оорусу көп ойлонуудан, стресстен болот», — деди ал.
Белгилеп кетсек, бүгүн, 28-апрелде Министрлер кабинетинин төрагасы Акылбек Жапаров ооруканага түшкөнү маалым болгон.
