Белбоо күрөшү боюнча Айжан Анарбекова дүйнө чемпиону болду. Бул тууралуу «Манас» университеттин расмий баракчасына жарыяланды.
Маалыматка ылайык, 24-27-ноябрь күндөрү Өзбекстанда өткөн 18-20 жаш курагындагы, 76 килограммга чейинки салмактагылар арасында өткөн белбоо күрөшү боюнча дүйнөлүк чемпионаты болуп өттү.
Эскерте кетсек, Орусиянын Казань шаарында сентябрь айынын башында өткөн КМШ оюндарында бел боо күрөшү боюнча кыргыз спортчулары 8 медаль жеңишкен. Алардын арасынан Анарбекова күмүш медалга ээ болгон.
