Бүгүн, 11-мартта Кыргыз Республикасынын эл артисти, белгилүү кинорежиссер жана сценарист Марат Сарулу акыркы сапарга узатылды.
Узатуу зыйнатына Кыргыз Республикасынын Маданият, маалымат, спорт жана жаштар саясаты министри Алтынбек Макутов баштаган чыгармачыл интелегенциянын өкүлдөрү, кесиптештери жана жалпы коомчулук катышты.
Министр узатуу зыйынатында сүйлөп жатып, анын чыгармачылыгына жана кеңири дүйнө таанымына токтолуп, анын жөнөкөйлүгү жана башкалардан жогорку интеллектиси менен айырмалана турганын, адамдык парасаты кайгырууу менен эскерди.
Марат Сарулу 2023- жылдын 9-мартында күтүүсүздөн дүйнө салган. Маркумдун сөөгү Мамлекетттик “Ала Арча” көрүстөнүнө жерге берилди.
Соңку жылдары Марат Сарулу Б. Бейшеналиева атындагы Кыргыз мамлекеттик маданият жана искусство университетинде «Кино» кафедрасынын жаш кинематографисттерине билим берип, келечектеги кино тармагына аралаша турган адистерди даярдоого салым кошуп жаткан.
