“Берекет универсал” базарынын башкармасы Махмуд Губайдулиндин сабалышы иликтенүүдө. Бул тууралуу Ленин райондук Ички иштер башкармалыгынан билдиришти.
Буга чейин ал укук коргоо органдарынын аракетсиздигине нааразы болгон.
Милиция кызматкерлеринин маалыматы боюнча, 7 –август күнү Махмуд Губайдулин «Берекет Универсал» имаратынын жанынан бейтааныш беш адам аны сабап кеткендигин айтып, аларга чара көрүү өтүнүчү менен кайрылган.
“Бул факты Кылмыш -жаза кодексинин 266-беренеси «Бейбаштык» боюнча Кылмыштардын жана жоруктардын бирдиктүү реестрине катталган. Учурда экспертизалар дайындалды, анын жыйынтыгы боюнча бейбаштыкка катыштыгы бар адамдардын аракеттерине укуктук баа берилет”, — деп жазылат маалыматта.
