Бүгүн, 14-январда, Агартуу министри Догдуркүл Кендирбаева иш сапары менен Талас облусуна барды. Сапардын алкагында министр Талас шаарында жарандарды кабыл алды. Бул тууралуу Билим берүү министрлигинин басма сөз кызматы билдирет.
Кабыл алууга келген жарандар билим берүү тармагындагы жергиликтүү маселелер боюнча сунуштарын жана суроолорун беришти. Тагыраагы, мектепке электрондук каттоо, окуучулардын жүрүм-туруму, мектеп имараттарын оңдоп-түзөөдөн өткөрүү маселелери айтылды.
Министр Догдуркүл Кендирбаева жарандардын суроолоруна жооп берип, айтылган көйгөйлөр көзөмөлгө алынаарын билдирди. Ошондой эле айрым маселелер иш сапардын жүрүшүндө жеринде чечилерин белгиледи.
