Бир катар ашууларда 10-апрелден 12-апрелге чейин кар көчкү түшүүсү күтүлөт. Бул туурлауу ӨУМнин басма сөз кызматы билдирди.
Маалыматка ылайык, 2021-жылдын 10-апрелинен 12-апрелине чейин жаап өткөн, жаан-чачынга жана абанын температурасынын жогорулашына байланыштуу, Кыргызстандын тоолуу райондорунда, Ала-Бука-Жаңыбазар-Киров унаа жолунун 71-75 (Жалал-Абад облусу, Чаткал району, Чапчыма ашуусу), 200-215 (Каракысмак капчыгайы, Кара-Буура ашуусу), Мырза-Аке-Кара-Кулжа-Алайкуу унаа жолунун 74-76, 86-88 (Ош облусу Кара-Кулжа району), Бишкек-Нарын-Торугарт унаа жолунун 286-306 (Долон ашуусу, Кара-Үнкүр капчыгайы), Казарман-Актал-Чат унаа жолунун 67-93 (Жалал-Абад облусу, Тогуз-Торо району, Кара-Гөө ашуусу), Ош-Сары-Таш унаа жолунун 161-179 (Ош облусу, Алай району, Талдык ашуусу) жана Каракол-Эңилчек унаа жолунун 76-90-чакырымдарында (Ысык-Көл облусу, Ак-Суу району, Чоң-Ашуу ашуусу) кар көчкү түшүүcү жана кар күрткүсү күтүлөт, жолдордун айрым тилкелери тайгак болуп муз тоңот. Унаалардын ортосундагы 500 метр аралык кыймыл чектелиши зарыл.