Бир катар өлкөлөрдүн президенттери президент Садыр Жапаровду жана Кыргызстан элин Эгемендүүлүк күнү менен куттуктады. Бул тууралуу президенттин басма сөз кызматынан билдиришти.
Кытай Эл Республикасынын төрагасы Си Цзиньпиндин куттуктоосу
“Сиздин жетекчилигиңиз астында Кыргызстан улуттук өнүгүүдө тынымсыз жаңы жана кубандырган ийгиликтерге жетишүүдө. Жакында эле Кыргыз Республикасын 2030-жылга чейин өнүктүрүүнүн улуттук программасы бекитилди, бул жаңы Кыргызстанды куруунун планын түздү. Достук мамиледеги коңшу жана жаңы доордогу ар тараптуу стратегиялык өнөктөш катары Кытай тарап буга чын жүрөктөн кубанат.
Быйыл жыл башынан бери биз сиздер менен эки жолу ийгиликтүү жолугушууларды өткөрүп, Кытай менен Кыргызстандын ортосундагы ар тараптуу кызматташтык боюнча маанилүү консенсуска жетишип, кытай-кыргыз мамилелерин өнүктүрүүнүн жаңы планын түздүк. Кытай тарап кыргыз тарап менен биргелешип саясий өз ара ишенимди чыңдоого, бири-бирибизди бекем колдоого жана Кытай менен Кыргызстандын тагдыры бир коомчулугун түзүү максатында «Бир алкак, бир жол» долбоорун жогорку сапатта биргелешип курууга даяр.
Кыргызстанга гүлдөп-өсүүнү, ал эми элине бакыт жана бакубатчылык каалайм», — деп айтылат куттуктоо телеграммасында.
Казакстандын президенти Касым-Жомарт Токаевдин куттуктоосу
«Казакстан элинин атынан жана өзүмдүн атымдан Сизди жана Сиздин мекендештериңизди Эгемендүүлүк күнү менен чын жүрөктөн куттуктайм.
Бул маанилүү күн боордош Кыргызстандын тарыхында өзгөчө орунду ээлейт, эркиндикке, улуттук биримдикке болгон түпкү умтулууну символдоштурат, кыргыз элинин өз алдынча мамлекеттүүлүккө жана эгемендүү өнүгүүгө болгон тарыхый тандоосун чагылдырат.
Эгемендүүлүк жылдарында Кыргызстан социалдык-экономикалык өсүштө, демократиялык институттардын калыптанышында жана эл аралык позициясынын чыңдалышында олуттуу ийгиликтерге жетишти. Бул жетишкендиктердеги өзгөчө роль Сизге таандык. Сиз өлкөнү модернизациялоого жана элдин бакубаттуулугун жогорулатууга багытталган өтө маанилүү саясий жана экономикалык реформаларды жүргүздүңүз.
Сиздин стратегиялык багытыңызды кармануу менен Кыргызстан туруктуу өсүү жана жаратмандык прогресс жолунда ишенимдүү алдыга жыла берет деп ишенем.
Казакстанда казак-кыргыз көп кырдуу стратегиялык өнөктөштүгүн жана союздаштыгын мындан ары да тереңдетүүгө өзгөчө маани берилет. Кылымдардан бери келген достук, коңшулаштык жана өз ара колдоонун духунда биргелешкен аракеттерибиз менен мамлекеттер аралык байланыштарыбызды бекемдөөдө салмактуу натыйжаларга жетишебиз деп ишенем.
Учурдан пайдаланып, Сизге мамлекеттик ишмердүүлүгүңүздө жаңы ийгиликтерди, боордош Кыргызстан элине бакубатчылык жана гүлдөп-өсүүнү каалайм», — деп айтылат куттуктоо телеграммасында.
Россиянын президенти Владимир Путиндин куттуктоосу
«Улуттук майрам – Кыргыз Республикасынын Эгемендүүлүк күнү менен чын жүрөктөн куттуктоолорумду кабыл алыңыз.
Мамлекеттерибиздин ортосундагы мамилелер стратегиялык өнөктөштүк жана союздаштык духунда курулууда. Ар кандай тармактарда эки тараптуу кызматташтык, ЕАЭБ, ЖККУ, КМШ, ШКУ жана башка көп жактуу түзүмдөрдүн алкагында конструктивдүү өз ара аракеттенүү ийгиликтүү өнүгүүдө.
Биргелешкен аракеттерибиз менен биз, албетте, Россия-Кыргыз байланыштарынын бүтүндөй комплексин мындан ары да кеңейтебиз. Бул биздин достук мамиледеги элдерибиздин кызыкчылыктарына толук жооп берет, Евразия мейкиндигинде коопсуздукту жана туруктуулукту камсыз кылуу нугунда бара жатат.
Сизге чың ден соолук жана ийгиликтерди, ал эми жарандарыңыздарга бакубатчылык жана гүлдөп-өнүгүүнү каалайм», – деп айтылат куттуктоо телеграммасында.
Өзбекстандын президенти Шавкат Мирзиёевдин куттуктоосу
«Акыркы жылдары Сиздин даанышман жетекчилигиңиз астында Кыргызстанда ишке ашырылып жаткан масштабдуу жана узак мөөнөттүү өзгөрүүлөрдүн натыйжасында калктын жашоо деңгээли тынымсыз жогорулап, өлкөнүн эл аралык аренадагы кадыр-баркы жана ролу барган сайын өсүүдө.
Биргелешкен чечкиндүү аракеттерибиздин аркасында биздин достук мамиледеги өлкөлөрүбүздүн ортосундагы түбөлүк достук, ынак коңшулук жана ар тараптуу стратегиялык өнөктөштүк мамилелери мындан ары да динамикалуу өнүгөт деп ишенем.
Сиздин жакынкы келечекте өлкөбүзгө болгон сапарыңыз эки тараптуу жана көп жактуу кызматташтыктын өнүгүшүнө күчтүү түрткү берери шексиз», — деп айтылат куттуктоо телеграммасында.
Шавкат Мирзиёев Садыр Жапаровго чың ден соолук жана жооптуу мамлекеттик ишинде албан ийгиликтерди, ал эми боордош кыргыз элине тынчтык, гүлдөп-өнүгүү, бакубатчылык жана мындан аркы прогресс каалады.
Тажикстандын президенти Эмомали Рахмондун куттуктоосу
«Бүгүн Кыргызстан сиздин жетекчилигиңиз астында өнүгүүсүнүн ар кыл чөйрөлөрүндө олуттуу натыйжаларга жетишип, алдыга карай ишенимдүү бара жатат. Кыргызстандын эл аралык аренадагы кадыр-баркы өсүүдө.
Биздин өлкөлөрдүн өз ара мамилелерин ар тараптуу бекемдөө Тажикстандын тышкы саясатынын артыкчылыктарынын катарында маанилүү орунду ээлейт.
Тажикстан менен Кыргызстанды достук жана ынак коңшулаштык мамилелердин бай тарыхый салттары байланыштырып турат.
Тараптардын биргелешкен күч-аракеттери аркылуу мамлекеттер аралык диалог жана эки өлкөнүн өнөктөштүгү бардык деңгээлдеринде ийгиликтүү өнүгүп, достук мамилелерибиздин натыйжалуу кеңейишине өбөлгө түзүүдө.
Жакында болгон өз ара сапарларыбыздын жүрүшүндөгү жолугушууларыбызды жылуу сезим менен эстейм. Бул сапарлардын алкагында жетишилген макулдашууларды иш жүзүнө ашыруу узак мөөнөттүү келечекке багытталган тажик-кыргыз кызматташтыгына жаңы дем берет деп ишенем», — деп айтылат куттуктоо телеграммасында.
Түркиянын президенти Режеп Тайып Эрдогандын куттуктоосу
“Улуу Мартабаңызды жана бир тууган кыргыз элин Кыргыз Республикасынын Эгемендүүлүк күнү менен чын жүрөктөн куттуктайм.
Дос жана боордош Кыргызстандын эгемендүүлүгүн биринчи тааныган өлкө катары, өткөн 34 жылдык убакыт ичинде Кыргызстандын түрдүү тармактарда жетишкен ийгиликтерине сыймыктануу менен көз салып келебиз.
Биз жалпы тарыхыбыз, тилибиз, динибиз жана маданий байланыштарыбыз менен бекемделген мамилелерибиз эки тараптуу деңгээлде да, көп жактуу платформалардын алкагында да, айрыкча Түрк мамлекеттеринин арасында ийгиликтүү өнүгүп, жыл сайын күч алып жатканын кубануу менен белгилейбиз.
Учурдан пайдаланып, Улуу Мартабаңызга ден-соолук жана бакыт, бир тууган кыргыз элине бакубатчылык жана гүлдөп-өнүгүүнү каалайм”, — деп айтылат куттуктоо телеграммасында.
Түркмөнстандын президенти Сердар Бердымухамедовдун куттуктоосу
«Учурда Түркмөнстан менен Кыргызстандын ортосундагы коңшулаштык, достук жана ишеним принциптерине негизделген салттуу боордоштук мамилелер жаңы мазмунга толуп жатат.
Биздин биргелешкен аракеттерибиз менен түркмөн-кыргыз мамлекеттер аралык байланыштары боордош элдерибиздин жыргалчылыгы үчүн мындан ары да кеңейип, чыңдала берет деп бекем ишенем», — деп айтылат куттуктоо телеграммасында.
Азербайжандын президенти Илхам Алиевдин куттуктоосу
«Кыргыз Республикасынын Улуттук майрамына байланыштуу өзүмдүн атымдан жана азербайжан элинин атынан Сизди жана Кыргызстан элин Эгемендүүлүк күнү менен чын жүрөктөн куттуктап, эң жакшы каалоолорумду билдиргениме кубанычтамын.
Сиздин жетекчилигиңиз астында боордош Кыргызстанда жүргүзүлүп жаткан кеңири масштабдуу жаратмандык иштеринин жана реформалардын аркасында социалдык-экономикалык өнүгүүдө олуттуу ийгиликтерге жетишилди.
Өлкөлөрүбүздүн ортосундагы жалпы руханий баалуулуктарга жана тарыхый-маданий тамырларга байланышкан мамилелердин динамикасынын азыркы деңгээли канааттандырарлык. Стратегиялык өнөктөштүк деңгээлине жеткен Азербайжан-Кыргыз мамилелери элдерибиздин бекем эркинин жана кызматташтыкты мындан ары тереңдетүүгө болгон чечкиндүүлүгүнүн ачык көрүнүшү болуп саналат.
Мындан ары да эки тараптуу жана көп жактуу форматтагы кызматташтыгыбызды кеңейтип, достуктун жана бир туугандык байланыштардын жакшы каада-салттарын сактоо жана бекемдөө боюнча биргелешкен аракеттерибизди ийгиликтүү уланта беребиз деп ишенем.
Мындай маанилүү күндө Сизге чың ден соолук, бакыт-таалай, иштериңизге ийгиликтерди, ал эми боордош Кыргыз Республикасына тынчтык жана гүлдөп-өнүгүүнү каалайм», — деп айтылат телеграммада.
Беларусь президенти Александр Лукашенконун куттуктоосу
«Кыргыз Республикасынын Эгемендүүлүк күнү менен чын жүрөктөн куттуктоомду кабыл алыңыз.
Сиздер өлкөнүн социалдык-экономикалык өнүгүү, жарандардын бакубаттуулугун жана жашоо сапатын жогорулатуу жаатындагы ийгиликтери менен сыймыктана аласыздар.
Өткөн он жылдыктарда Бишкек Минсктин маанилүү өнөктөшүнө айланды, анын ичинде интеграциялык аянтчаларда жана эл аралык уюмдарда. Беларус-кыргыз кызматташтыгынын бардык деңгээлде кеңейиши конкреттүү жана сезилерлик натыйжаларды – өз ара сооданын көлөмүнүн өсүшүн алып келүүдө.
Элдерибиздин колдоосу менен эки тараптуу өз ара аракеттенүүнүн бардык негизги багыттары боюнча жетишкендиктерди арттырып, жаңы ийгиликтүү долбоорлорду ишке ашыра алабыз деп ишенем.
Сизге жана Кыргыз Республикасынын элине чын жүрөктөн бекем ден соолук, ийгиликтерди, тынчтык жана бактылуу жашоо каалайм», – деп айтылат телеграммада.
Мажарстандын премьер-министри Виктор Орбандын куттуктоосу
«Сизди жана Кыргыз Республикасынын бардык жарандарын өлкөнүн улуттук майрамы – Эгемендүүлүк күнү менен чын жүрөктөн куттуктоого жана эң жакшы каалоолорумду билдирүүгө уруксат этиңиз.
Мажарстан Кыргызстанды маанилүү стратегиялык өнөктөш катары карайт. Биздин эки тараптуу мамилелерибиз динамикалуу өнүгүп, жогорку деңгээлдеги сапарлар акыркы жылдары үзгүлтүксүз болуп жатканына кубанычтамын. Эки өлкөнүн ортосундагы өз ара пайдалуу кызматташтык биздин элдерибиздин жыргалчылыгына кызмат кылат деп ишенем.
Сизди Мажарстан мындан ары да өлкөлөрүбүздүн ортосундагы жогорку деңгээлдеги диалогду улантууга, достук байланыштарды бекемдөөгө жана өз ара сый-урматка негизделген кызматташтыкты өнүктүрүүгө умтуларына ишендирем», — деп айтылат телеграммада.
Германия Федеративдүү Республикасынын президенти Франк-Вальтер Штайнмайердин куттуктоосу
«Өткөн жылдардагы жеке жолугушуулардын аркасында биздин өлкөлөрдүн ортосундагы байланыштар чыңдалды. Мен 2024-жылдын июль айындагы сүйлөшүүлөрүбүздү, ошондой эле 2023-жылы Сиздин өлкөгө болгон сапарымды жылуу сезимдер менен эстейм. Германия менен Борбор Азия өлкөлөрүнүн ортосундагы стратегиялык аймактык өнөктөштүк да маанилүү, ал келечектеги жолугушуулар жана алмашуулар үчүн кошумча мүмкүнчүлүктөрдү түзөт.
Тажикстан менен чек ара маселелери боюнча жетишилген келишимди өзгөчө белгилеп кетким келет. Бул аймактын элдеринин тынчтык кызматташтыгына карай маанилүү кадам болуп саналат.
Сизге ийгиликтерди, ал эми кыргыз элине тынчтык, көз карандысыздык жана бакубатчылык каалайм», — деп айтылат куттуктоо телеграммасында.
Сауд Аравия Падышалыгынын падышасы Салман бин Абдулазиз Аль Сауддун куттуктоосу
«Сизге чын жүрөктөн чыккан куттуктоолорумду жана ден соолук, бакыт тилеген эң жакшы каалоолорумду жолдойм, ал эми боордош Кыргызстан элине мындан аркы өнүгүүнү жана гүлдөп-өсүүнү каалайм», — деп айтылат куттуктоо телеграммасында.
Сауд Аравиянын Мураскер ханзаадасы Мухаммед бин Салман бин Абдулазиз Аль Сауд дагы куттуктоосун жолдоду.
Хорватиянын президенти Зоран Милановичтин куттуктоосу
«Кыргыз Республикасынын Эгемендүүлүк күнүнө карата Хорватия Республикасынын жарандарынын жана жеке өзүмдүн атымдан Сизге абдан кубануу менен эң жылуу куттуктоолорумду билдирем жана өлкөңүздүн бардык жарандарына прогресс жана гүлдөп-өнүгүүнү каалайм.
Хорватия менен Кыргызстандын ортосундагы достук мамилелер жана кызматташтык мындан ары дагы өз ара кызыкчылык туудурган көптөгөн тармактарда өнүгүп жана чыңдала берет деп ишенем. Ошондой эле, экономикалык кызматташтыгыбызды мындан ары да чыңдоо өтө маанилүү деп эсептейм», — деп айтылат куттуктоо телеграммасында.
Австриянын президенти Александр Ван дер Беллендин куттуктоосу
«Мен мамилелерибиздин тереңдешине кубанычтамын жана Австрия менен Кыргызстандын ортосундагы экономикалык кызматташуунун бекемделишин баалайм. Өткөн жылдын ноябрынд
а Венага болгон Сиздин сапарыңыз жана биздин маңыздуу маектешүүлөрүбүз эки жактуу алакаларыбызды мындан аркы чыңдоого жана активдешүүсүнө сонун мүмкүнчүлүк түзүп берди», — деп айтылат куттуктоо телеграммасында.
Александр Ван дер Беллен Садыр Жапаровго жеке бакубатчылык, ал эми Кыргызстан элине бактылуу келечек каалады.
Рим Папасы Лео XIV`түн куттуктоосу
«Кыргыз Республикасынын улуттук майрамына карата Сиздин элиңизге өзүмдүн гүлдөп-өсүү, ынтымак жана бакыт кааларымды кубануу менен билдирем. Жараткан Кыргызстандын элин колдоп, ар дайым өлкөнүн жалпы жыргалчылыгы үчүн эмгек кылууга шыктандырып турушун тилейм», — деп айтылат куттуктоо телеграммасында.
Мисир Араб Республикасынын президенти Абдель Фаттах Ас-Сисинин куттуктоосу
«Бул сүйүнүчтүү күнү мен Мисир менен Кыргызстандын ортосундагы достук мамилелердин тынымсыз чыңдалып жатканын кубануу менен белгилейм. Эки достош элдин жалпы кызыкчылыктарын ишке ашыруу максатында өз ара байланыштарыбыз мындан ары да кеңейет деп ишенем.
Менин эң жогорку сый-урматымды жана ыраазычылыгымды кабыл алыңыз. Сизге жеке жашооңузда бардык жакшылыктарды, ал эми достош кыргыз элине мындан аркы бакубатчылыкты жана гүлдөп-өнүгүүнү каалайм», — деп айтылат Мисир Араб Республикасынын президентинин куттуктоо телеграммасында.
Ливандын президенти Жосеф Аундун куттуктоосу
“Сизге бекем ден соолук жана бакубатчылык каалайм. Ал эми Кыргыз Республикасына жана достук мамиледеги кыргыз элине Сиздин даанышман жетекчиликиңиздин астында өнүгүп-өсүүнү каалайм.
Бул майрам биримдик менен кызматташуунун терең маанисин туюндурат жана эки элибиздин ортосундагы достук байланыштарды жаңылап, өлкөлөрүбүздүн жана элдерибиздин кызыкчылыгы үчүн биргелешкен аракеттерди чыңдоого мүмкүнчүлүк берет деп терең ишенем”, — деп айтылат куттуктоо телеграммасында.
Бахрейн Падышалыгынын падышасы Хамад бин Иса Аль Халифанын куттуктоосу
“Бахрейн Падышалыгынын өкмөтүнүн жана элинин атынан боордош Кыргыз Республикасынын Көз карандысыздык күнү майрамы менен чын жүрөктөн куттуктап, эң жакшы каалоо-тилектерибизди билдиребиз.
Ушул жагымдуу мүмкүнчүлүктөн пайдаланып, Улуу Мартабалуу Сизге чың ден соолук жана бакыт-таалай, ал эми кыргыз элине туруктуу өнүгүү жана бакубатчылык каалайбыз”, — деп айтылат телеграммада.
Бруней Даруссалам Султаны Хассанал Болкиахтын куттуктоосу
“Бруней Даруссалам менен Кыргыз Республикасын жылуу жана достук мамилелер байланыштырып турат. Эки өлкөнүн ортосундагы достук алакаларды жана баалуу байланыштарды чыңдоодо Сиздин туруктуу салымыңызды жана аракеттериңизди жогору баалайм.
Сизге чың ден соолук жана бакыт, ал эми Кыргыз Республикасынын элине тынчтык менен өнүгүү каалайм”, — деп айтылат телеграммда.
Улуу Британия жана Түндүк Ирландия Бириккен Падышалыгынын Падышасы Карл III`түн куттуктоосу
«Жубайым экөөбүз Сизди жана Кыргыз Республикасынын элин маанилүү окуя – Эгемендүүлүк күнүнө карата жылуу куттуктаганыбызга кубанычтабыз.
Биздин өлкөлөрдү ушундай бекем байланыштар бириктирип турганына абдан кубанычтамын жана достугубуз мындан ары да чыңдаларына ишенем.
Биздин өлкөлөр климаттын өзгөрүшүнө жана баарыбызга тиешелүү болгон экологиялык көйгөйлөрдү чечүүгө оң таасирин тийгизүү үчүн күч-аракеттерди бириктире алды деп үмүттөнөм жана умтулам», — деп айтылат куттуктоо катында.
Испаниянын королу Филиипп VI`нын куттуктоосу
«Жеке бакубатчылык жана кымбаттуу кыргыз элине тынчтык жана гүлдөп-өнүгүү тилеген эң жакшы каалоомду кабыл алыңыз», — деп айтылат телеграммада.
Грузиянын президенти Михаил Кавелашвилинин куттуктоосу
«Бул сиздин өлкөнүн тарыхындагы өзгөчө күн эркиндиктин, улуттук сыймыктын жана мамлекеттүүлүктүн символу болуп саналат. 1991-жылдын 31-августунда эгемендүүлүктүн жарыяланышы жана өлкөңүздүн мамлекетти куруу жолун көз карандысыз тандоосу — кыргыз элинин өзүнчө маданий өзгөчөлүгүн жана салт-санаасын сактаган, кубаттуу жана өнүккөн мамлекетти курууга болгон туруктуулугун жана майтарылбас эркин ачык көрсөтөт.
Грузия биздин мамлекеттердин ортосундагы достук мамилелерге чоң маани берет. Тарыхый өтмүштүн жалпылыгын эске алуу менен, биздин өлкөлөрдү эркиндик жана суверендүүлүк принциптери бириктирип турат. Кийинки жылдары биздин кызматташтыгыбыз мындан ары да тереңдеп, элибиздин гүлдөп-өнүгүшүнө өбөлгө түзөт деп ишенем», — деп айтылат куттуктоо телеграммасында.
Михаил Кавелашвили Президент Садыр Жапаровго чың ден соолук жана мамлекеттик ишмердүүлүгүнө ийгиликтерди, ал эми достук мамиледеги кыргыз элине тынчтык жана гүлдөп-өнүгүүнү каалады.
