Бишкек шаарында Президенттин тапшырмасы менен 3000 сомдон сатылып жаткан көмүргө кезекке тургандардын саны саат сайын өсүүдө.
Ушул учурда Мурманский 1б дарегиндеги кампада кезекке тургандардын саны 1800дөн ашты.
Ар бир жаранга 2 тоннадан ашуун берилбейт.
Белгилей кетсек, өлкө башчысы Садыр Жапаров мындан 2 күн алдын, калкка жардам иретинде 1 тоннасы 3000 сомдон ашпаган көмүр кампалары уюштурулгандагын жарыялаган.
Арзан көмүр азырынча Бишкек шаарында 2 жерде гана берилүүдө.
- Ден-Сяопин 306/2а,
- Мурманский 1б/1.
Бул демилге өлкөнүн башка аймактарында дагы ишке ашаары күтүлүүдө. Көмүр негизинен «Кыргыз Көмүр» ишканасынан ташылууда.
Мекеменин маалымат катчысы Жийде Зоотбекова 3 күн ичинде 2300 тоннадан ашуун көмүр жүктөлүп чыгып кеткенин жазды.
