Бишкек шаарынын Октябрь районунда, Элебаев жана Кулатов көчөлөрүнүн кесилишинде жайгашкан көп кабаттуу үйдүн чатырынан өрт чыккандыгы тууралуу маалымат түшкөн.
Өрттү өчүрүүгө КР ӨКМдин жалпы 6 өрт өчүрүүчү күжүрмөн эсеби, 2 автошаты, Штаб, Бишкек шаардык Куткаруу кызматынан 5 куткаруучу, ККББдан ыкчам топ иш алып барууда.
Өрт саат 14:55 чектөөгө алынып, толук саат 17:13 өчүрүлдү.
Алдын ала маалымат боюнча жалпы өрттүн аянты 540 ч.м. түздү.
Жабыркагандар жок.
Учурда өрттүн келип чыгуу себеби такталууда.