6-июнда Кыргызстанга Катардын эмири шейх Тамим бин Хамад Аль Тани мамлекеттик иш сапары менен келет. Бул тууралуу президенттин администрациясынан билдиришти.
Буга байланыштуу, Ички иштер министрлиги мыйзамдуулукту жана тартипти жогорку деңгээлде камсыздоо боюнча чараларды көрүп жатат. Учурда коопсуздукту жана коомдук тартипти камсыздоо максатында ыкчам штаб түзүлүп, ички иштер органдарынын күчтөрүн жана каражаттарын эсептөө иштери жүргүзүлүп, 3000ге жакын милиция кызматкерлери күчөтүлгөн тартипте кызмат өтөшөт.
Расмий иш-чаралардын жүрүшүндө милиция кызматкерлери коомдук коопсуздукту жана тартипти, жол кыймылынын коопсуздугун толук камсыздашат.
Бул иш-чаралар учурунда жолдун айрым тилкелеринде унаалардын кыймылына убактылуу чектөө киргизилет.
