Үстүбүздөгү жылдын 4-январынан тартып кышкы мезгилде Asman Airlines авиакомпаниясы Бишкек – Каракол багыты боюнча авиакаттамдарды жумасына төрт жолу — шейшемби, бейшемби, жума жана жекшемби күндөрү аткарууда. Социалдык багыттагы белгиленген тариф 4 000 сомду түзөт (мурда тариф 4 600 сомго чейин жетчү).
Дотацияланган авиакаттамдар программасын ишке ашыруу президент Садыр Жапаровдун жеке колдоосу менен мүмкүн болду. Туруктуу аба каттамдары калктын мобилдүүлүгү үчүн туруктуу шарттарды түзүп, ички туризмдин өнүгүшүнө өбөлгө түзөт жана аймактар ортосундагы социалдык-экономикалык байланыштарды чыңдайт.
Ал эми Asman Airlines авиакомпаниясынын расмий мобилдик колдонмосу аркылуу билет сатып алуу ыңгайлуулукту камсыздап, убакытты үнөмдөөгө жана кошумча төлөмдөрдүн болбошуна шарт түзөт.
