Бүгүн, 18-июнда Бишкек шаардык соту Жогорку Кеңештин учурдагы депутаттары Асылбек Жээнбеков менен Төрөбай Зулпукаровдун баш коргоо чарасын өзгөртүү өтүнүчүн карап жатат.
Зулпукаровдун тарапташтары сотун судья Ирина Воронцованы алмаштырууну суранышууда, Белгисиз себептерден улам, сот олтурумуна депутатар алынып келинген эмес. Жактоочулардын судьяны алмаштыруу жөнүндө өтүнүчү четке кагылган жана сот отурум 11:00гө жылдырылды.
Ушул учурда Бишкек шаардык сотунун сыртында депутаттардын колдоочулары топтолуп турат, арасында Жогорку Кеңештин депутаттары, мурдагы Президент Сооронбай Жээнбековдун бир тууганы Жусуп Шарипов да бар. Алар, 300гө жакындап калды, негизинен соттон адилеттүү чечим сурап чогулган.
Депутаттар Жээнбеков менен Зулпукаров УКМК тарабынан 31-майда кармалган. Алар Кумтөр кениндеги коррупцияга тиешеси бар деп шектелүүдө.