Куткаруучулар топурак басып калган эки жаранды чыгарышты. Тилекке каршы, бири ошол жерден көз жумган.
ӨКМден билдиришкендей, 8 -апрель күнү Бишкектин Ленин райондук Мурманск көчөсүндө канализацияга жол ачуу үчүн жер казып жаткан 2 жаранды топурак урап түшүп, басып калган.
«Жерине 5 куткаруучу тартылып, 1992-жылы туулган К. Б. уулу каза таап, анын сөөгү ИИМдин кызматкерлерине өткөрүлүп берилген. Ал эми куткаруучулар тирүү чыгарган 1997-жылы туулган А. Т. аттуу экинчи жаран тез жардам кызматына өткөрүлүп берилди»- деп берилет маалыматта.