Буту эскалаторго кыпчылып калган 3 жашар кызга операция жасалды. Бул тууралуу Саламаттык сактоо министрлигинен билдирди.
Кыздын буту сынган деген диагноз коюлган.
«Бирок баланын кан тамырлары, булчуңдары жана тарамыштары чайналып калгандыктан ага операция жасалды. Учурда анын абалы туруктуу. Ал №3 шаардык балдар клиникалык тез жардам ооруканасында тиешелүү дарылануудан өтүүдө», деп берилет маалыматта.
Эскерте кетсек, 23-июнда Өзгөчө кырдаалдар министрлигине Бишкектеги соода борборлордун бириндеги эскалаторго жаш баланын буту кыпчылып калганы тууралуу билдирүү түшкөн. ӨКМ кызматкерлери чыгарып, тез жардам кызматына өткөрүп беришкен.
