Бишкекте сүннөткө отургузган 7 жаштагы бала көз жумду. Бул тууралуу Октябрь РИИБден билдиришти.
2-апрелде 3-балдар ооруканасынан милицияга баланын каза болгону тууралуу маалымат түшкөн.
Жерине барган милиция кызматкерлери Улуттук госпиталдын дарыгери 2015-жылы туулган балага жергиликтүү наркоздон берип сүннөткө отургузганы аныкталган. Андан кийин эле 7 жаштагы бала №3 балдар ооруканасынын хирургия бөлүмүнө «Платтер синдрому, катуу жарааттан кан кетүү» диагнозу менен жеткирилип, эсине келбей каза болгон. Учурда тергөө амалдары улантылып жатат.