Бишкек шаарында алдамчылыкка шектелген кыз кармалды. Биринчи май РИИБдин басма сөз кызматынын маалыматы боюнча, шектүү 1993-жылы туулган С.А. экени такталган.
2020-жылдын сентябрь айында Алтынай аттуу кыз Бишкек шаарынын тургунуна «Хоргос» базарынан товар алып келип берүүнү убадалаган. Бирок 100 миң сом алгандан кийин дайынын таптырбай кеткен.
Жабырлануучунун арызынын негизинде алдамчылык боюнча козголгон иш тергелип жатат.