Бишкекте алдамчылыкка шектелип 1995-жылы туулган жаран кармалды. Бул тууралуу Свердлов райондук ички иштер башкармалыгынын басма сөз кызматы билдирди.
Маалыматка ылайык, Бишкек шаарынын тургуну төлгөчүгө чара көрүү өтүнүчү менен милицияга арыз менен кайрылган. Ал төлгөчү жеке жашоосун сыйкырдуу түрдө жакшыртат деп ишенип, 2022-жылдан 2025-жылга чейин 100 000 доллар бергенин айткан.
Бул факт Кылмыш-жаза кодексинин 209-беренеси («Алдамчылык») менен катталган.
Свердлов райондук ички иштер бөлүмүнүн ыкчам кызматкерлери тарабынан кылмышка шектүү катары 1995-жылы туулган Б.К., кармалып, убактылуу кармоочу жайга киргизилген.
Учурда тергөө иштери жүрүп жатат.
