Бишкек шаарында Курманжан датканын эстелигинин алдында бүткүл дүйнөлүк китеп жана автордук укук күнү белгиленди. Бул тууралуу мэриянын басма сөз кызматы билдирди.
Маалыматка ылайык, масштабдуу иш-чарага Бишкек шаарынын вице-мэри Виктория Мозгачева, Биринчи Май районунун акиминин орун басары Аида Рысбаева катышты.
«Борбор калаанын тургундары жана коноктору китеп дүйнөсүнө сүңгүп, фестивалда концерттик программа, билим берүүчү оюндар жана сынактар да уюштурулду. Китеп окууну сүйүүчүлөр үчүн жарманкелер да ачылды, алардан кызыктуу китеп сатып алууга болот»-, деп берилет билдирүүдө.
Фестивалдын максаты китеп окууга болгон кызыгууну өнүктүрүү жана колдоо болуп саналат.
